Messa og ormar

Hæ! :)
Í þessari viku erum við aðallega í skyndihjálp og það verður próf í því á morgun :os
Í gær fórum við á "messe" þ.e.a.s. sýningu. Þetta var einskonar industrial sýning, man nú ekki hvað það er á íslensku. Þetta var mjög fróðlegt og skemmtilegt. Sýningin var haldin í nokkrum RISAstórum húsum og þessir ca 4 tímar sem við höfðum voru enganveginn nóg, sáum bara hluta af sýningunni. En þetta var eins og þessar sýningar eru ( eða alla vega voru) á Íslandi, fyrirtæki hafa sett upp bása og reyna að lokka til sín gestina með sælgæti, bjór, pennum og ýmsu öðru. Ég bakaði pizzabrauðið í Ostalyst bókinni og tók með og heillaði félaga mína upp úr skónum með þessum snilldarbakstri og þeir fengu mig til að lofa sér að koma í mat til mín einhverntímann.

Við erum þrjú sem erum orðin ansi góðir félagar í bekknum mínum. Við erum alltaf saman í pásum og hittumst jafnvel í frítíma ef hægt er. Við förum einmitt heim til eins, sem heitir Mads, á föstudaginn að mála stofuna heima hjá honum og svo munum við "hygge" okkur og elda góðan mat o s fr.
Við erum búin að tala við aðalkennarann okkar, hana Gitte, um að halda fest/partý fyrir bekkinn til að þjappa liðinu saman. Það verður þá annað hvort haldið í skólanum eða heima hjá einhverjum. Ég hlakka ekkert lítið til ef þetta verður að raunverluleika. Svo ætlar hún að athuga fyrir okkur hvort að við getum ekki fengið að fara á risasafn sem er í Köben. Hún er mjög fín þessi kona og vill greinilega allt fyrir okkur gera.

Billinn er kominn úr sprautun og lítur alveg frábærlega út. :)

Mamma mín átti afmæli í gær og varð enn einu árinu yngri. ;o)
Til hamingju elsku besta mamma.

Mín yndislegu börn halda bara áfram með sína rútínu sem er komin á. Við ætluðum að vera löngu búin að skrá Alexander í sund og Dísu og Matthías í eitthvað líka en ekkert hefur orðið úr því ennþá. Ég er alltaf svo þreitt eitthvað þessa dagana og hef aldrei tíma fyrir neitt finnst mér. En þessu verður að bæta úr, þau þurfa að komast í almennilega hreyfingu. Og ég þarf að byrja að taka vítamín, sú inntökurútína fór fyrir bý þegar ég koma aftur út eftir Íslandsdvölina.

Í skólanum hjá Dísu og Alexander hefur fundist "spoleorm" í klósettinu tvisvar sinnum. Nú þarf að reyna að brýna fyrir börnunum að þvo sér alltaf vel um hendurnar og kíkja ofan í klósettið eftir að hafa notað það. Svo er það sérstaklega mikilvægt að borða ekki það sem hefur dottið í gólfið því þar gæti leynst ormaegg. Ég fann ekki neina lýsingu á þessum ormi þegar hann er í mönnum. Þetta er lýsing á því þegar svona ormur er í dýri en það gerir þetta kvikindi gerir það sama í mannfólkinu, ekki mjög lekkert..:

Bein upptaka ormaeggja af hundi eða ketti. Eggin eru étin eða þau festast á trýni dýrsins við að þefa af saur eða endaþarmi annars dýrs og þaðan fara þau niður í þarmana. En þar með er ekki öll sagan sögð. Eggin verða nú að lirfum sem fara gegnum veggi þarmanna og inn í lifrina og berast svo þaðan til lungnanna. Frá lungunum er lirfunum hóstað upp í kokið þar sem þeim er kyngt og þær þroskast í fullorðna orma í þörmunum. Dæmigert einkenni fyrir dýr sem er sýkt af ormi er því hósti. Þetta ferli sem farið var í gegnum hér að ofan sést helst hjá köttum, hvolpum og hundum sem komnir eru af léttasta skeiðinu eða glíma við aðra skjúkdóma. Hjá heilbrigðum fullorðnum hundum er algengara að lirfurnar leggist í dvala í vefjunum (t.d. í vöðvum).

Því má bæta við að í einstaka tilfelli kemur ormurinn aftur upp og út um munninn. Hann getur víst orðið ansi langur. Mér finnst það mjög óhugguleg tilhugsun að draga kannski lifandi spagettí uppúr kokinu á mér eða börnunum mínum.

Jæja skyndihjálparpróf á morgun...hjálp...