Hæ aftur

Dagurinn í dag er búinn að vera yndislegur. Svaf reyndar óþarflega lengi en held ég hafi eiginlega þurft á því að halda.
Í gær fór ég ekki á blómafestivalið eins og ég hafði planlagt. Heldur keyrði ég til Middlefart og til Jótlands, að grensunni (grænsen=landamærin (að Þýskalandi)), og kíkti á bíla. Ég er svo heppin að einn úr bekknum mínum í skólanum er búinn að vera eins og engill og hjálpa mér með þetta alltsaman, hann sem sagt kom með mér að skoða bílana. Og sem betur fer...einn bílasalinn var svo dónalegur að hann talaði bara við bekkjabróður minn og þegar hann sagði honum að það væri ég sem ætlaði að kaupa bílinn þá byrjaði bílasalinn bara að tala um að konur hefðu bara áhuga á að bíllinn liti vel út og hefðu rétta litinn. Og svo benti hann á að þessi og þessi " já þeir væru nú flottir á litinn". Mig langaði helst að sparka í drjólann á honum.
Í dag hjólaði ég hins vegar niður í bæ og kíkti á blómin og kom svo heim með hjólið fullt af blómum sem ég er núna búin að planta úti í garði.

Jæja best að reyna að gera eitthvað af viti áður en ég fer að sofa.