1. desember 2005

Nýjasta nýtt! Eða það held ég. Ávaxtaskálin komin með nýtt hlutverk.
Svona lítur dagatalakertið okkar út í ár. Kveikjum á einu kerti á dag. Smukt ik? :o)



Arnar er búin að vera í prófum þessa vikuna og ég þess vegna með börnin lengur en annars.
Verst er að Matthías greyjið er búinn að vera með gubbuna og það hefur bitnað á skólanum hjá mér.
Þau sem eru með mér í hópavinnu eru sennilega ekkert alltof ánægð með að vera með mér í hóp því ég hef bara mætt einn dag í þessari viku og kem ekki til með að geta mætt á morgun.

Ég get glöð og ánægð tilkynnt það að ég fæ heimsókn núna um miðjan desember. Mamma, Ásrún systir og Heiðrún dóttir hennar koma til mín. Við ætlum fyrst að hittast í Köben og keyra svo hingað til marsipanbæjarins. Ég hlakka alveg brjálæðislega til.

Annars verður þessi helgi barnlaus hjá mér. Og lítið planað en ég hef ekki áhyggjur af því. Venjulega næ ég ekki að gera helminginn af því sem mér dettur svo í hug að gera.

Jæja góða helgi :o)