Hmmm þeir á dekkjaverkstæðinu gátu ekki lagað dekkið. Varð að kaupa nýtt. Nú er bara spurning hvort ég get komið því undir bílinn. Kíki á það um helgina. Skipti síðast sjálf um dekk þegar ég var sautján að læra á bíl. Gæti verið fyndið að vera fluga á vegg þegar ég fer að spreyta mig. :oP

Matthías, litla krúsidúllurófan mín, er lasinn. Hann hóstaði svo mikið í gær að ég fékk Arnar til að koma og vera hjá honum meðan ég var í vinnunni. En svo seinnipartinn var hann farinn að kvarta yfir eyrunum. Hann var líka mjög slappur að sjá greyjið litla. Þegar ég fór að finna stíl til að gefa honum seinna fann hann Bangsímon plástra í körfunni sem ég geymi þetta í. Hann var mjög sniðugur og setti einn yfir hvort eyra því honum var svo illt.
Ég fór svo með hann til Arnars um kvöldið því ég þarf að passa vinnuna mína og mæta í dag. Þeir hugga sig væntanlega félagarnir í dag. Arnar er lika búinn að panta tíma hjá lækni fyrir hann, vona að þetta sé ekki slæmt.

Veðrið er eins og í gær gott með sól og 10-15 gráður. Ég notaði tækifærið og fór í pils og engar sokkabuxur, en ok stígvélum er ég í, svo ég er ekki alveg berleggjuð :oP En mér finnst ég bara finna sumarið streyma til okkar núna.... :o)