Borða, hytte, heimsókn, afmæli og heimsókn

Góðan dag.
Jæja ég hef verið löt að blogga núna undan farið. Er þó ekki hætt :)

Á föstudag fór ég út að borða ásamt 16 öðrum íslenskum ungmeyjum á ýmsum aldri.
Farið var á ítalskan stað í miðbænum sem heitir annað hvort La eða Da Isabella, ef ég man rétt. Staðurinn leit ágætlega út og maturinn var ekki dýr en hefði getað verið betri. Hvítlauksolían var þó algjört dúndur, sú besta sem ég hef nokkurn tímann fengið og bjargaði pizzunni minni alveg, sem hafði verið frekar bragðdauf.

Eins og Arnar sagði í gær að þá fórum við og hittum bekkinn hans Alexanders á laugardaginn, í svona hálfgerðum sumarbústað ( sem er þó notað sem leikskóli). Það var alveg rosalega gaman. Byrjað var á því að setjast niður og fá sér kaffi/te/djús og kökur og svo var dregið úr miðum í lið og farið í ratleik. Ratleikurinn gekk þó ekki út á að vinna heldur að finna út hvað hver og einn ætti að gera eftir leikinn. Það vildi svo skemmtilega til að Alexander og Arnar lentu í sama liði og ég og Dísa í sama liðinu. Við Arnar lentum svo í að gera það sama eftir leikinn þ.e. að hjálpa til við matseld en börnin fengu að fara út í leiki og tendra bál sem foreldrar úr öðrum liðum í ratleiknum voru sett í að sjá um. Svo var sest að snæðingi og smakkaðist maturinn alveg svakalega vel. Það voru tveir pottréttir, hrísgrjón, gular baunir, tvenns lags mango chutney og óteljandi tegundir af grænmeti og slíku fyrir salat ...þar á meðal salthnetur sem gerðu stóra lukku hjá Alexander.

Í gær kom svo Ole, vinur Alexanders, í heimsókn ásamt mömmu sinni. Ole er í skátunum og mamma hans er búin að upplýsa okkur um hvernig Alexander getur komið þangað og prufað að vera með. Þetta hljómar spennandi og Alexander er sérstaklega spenntur ( vona að hann verði ekki fyrir vonbrigðum). Hann mun kíkja í fyrsta skipti annað hvort á miðvikudaginn eða miðvikud. eftir tvær vikur (krakkarnir hittast aðra hverja viku).

Núna þurfum við að fara að plana afmælið hans Alexanders. Það er annar strákur í bekknum hans sem á afmæli sama dag. Sko 22. kemur upp á föstudegi og þá er "helligdagur" hér þannig ekki má halda upp á það þá. Bekkjarfélaginn ætlar að halda upp á sitt á fimmtudeginum og þá er bara að ákveða hvernig á að hafa þetta hjá A. Það er alla vega ákveðið að hafa pizzur og afmælisköku (þannig var það í afmæli hjá einum hérna í götunni og það er voða spennó).

Jæja nú fara mínar heittelskuðu vinkonur brátt að stíga á danska jörð (fyrir utan Ingu greyjið :( ... ). Ég ætla að hitta þær í Köben á miðvikudaginn og svo komum við hingað daginn eftir og þær munu gista hjá okkur svo í þrjár nætur. Hvað verður gert er óplanað, nema það að fara í búðir og út að borða.
Ég hlakka alveg óskaplega til að fá að kreista þær, knúsa og spjalla og skjalla. :o)


En nú þarf ég að fara að læra og læra og læra svo að ég þurfi ekki að gera það á meðan gestirnir okkar verða hérna.

Hann á afmæli í dag,hann á afmæli í dag, hann á .....

afmæli hann Arnar, hann á afmæli í dag. :oD

Til hamingju með daginn elskan mín.

Jæja páskarnir búnir og vorið komið.

Mamma og pabbi voru hjá okkur yfir páskana og rúmlega það. Við héldum þeim uppteknum allan tímann í ýmiskonar safnaskoðun með smá hléi til að geta borðað páskaegg, kökur og súkkulaðikakó a la pabbi. Mmmm þetta var svo gott. Fer alveg í sæluvímu við tilhugsunina!

En við fórum sem sagt á skriðdýrasafn, vatnssafn, Lególand, göngutúr og í nokkur bakarí. :o)
Myndir eru á leiðinni fljótlega eða um leið og Arnari gefst tími til að kenna mér að minnka nokkrar myndanna og þegar ég get sett þær inn. En myndir segja oft meira en þúsund orð.

Elsku mamma og pabbi, takk fyrir okkur. Það var alveg yndislegt að hafa ykkur.