Hæ ég ætlaði alltaf að setja fleiri myndir inn frá Egyptalandi. Svo hef ég ekki haft tíma og endaði með að ég gleymdi því.
Nú nenni ég ekki.
Kannski set ég bara nokkrar frá Tyrklandi þegar við komum aftur heim.

jamm brjálað að gera í vinnunni. Það finnst mér alveg frábært. Mér finnst núna vera not fyrir mig og ég læri líka miklu meira en áður. Þökk sé nýja "umsjónarmanninum/konunni minni". Hún hefur leyft mér að vera með á fundum og hjálpa meira, vera með. Svo hef ég líka þurft að kenna henni ýmislegt því hún er ný. Ég læri líka á því.

Við Matthías fórum í Nettó um daginn (eins og svo títt) og viti menn, hann varð ekkert smá glaður þegar við fundum Latabæjarbrauð. Þetta er bara rúgbrauð, en er auðvitað mörgum sinnum meira spennandi vegna þess að íþróttaálfurinn borðar líka svona brauð.
Ég auglýsi hér með eftir leikritinu ef einhver á það á íslensku, yrði ég voða glöð að fá það sent.

Það er farið að vera kalt hér í baunalandi og hreint ekki pils veður án sokkabuxna. Verst að ég hef stækkað úr öllum buxum nema einum sem voru orðnar allt of stórar á mig en ég hafði ekki losað mig við. Nú er það harkan og nix súkkulaði fram að jólum. (nema auðvitað við sérstök tilefni ;o))
Talandi um nammi. Heiðrún frænka mín er núna í USA, landi kaloría. Þessi klára stelpa er í starfsnámi hjá frægu fyrirtæki í NY sem klæðskeri (...eða heitir það ekki klæðskeri sem þú ert í Heiðrún?) Já annars, passaðu þig á M&Minu og dónötsunum, það er hættulega gott þarna.

Alexander er búin að vera í skólaferðí ca 3 daga og Dísa líka og í dag fer Matthías. Þau eru öll mjög ánægð með þetta alltsaman. Það verður skrítið að vera án minnstu rúsínunar.

Smútta núna. ´Bæ í bili...