Here I am again

Godan dag.
Er í skólanum. Viðurkenni það að ég hef ekki verið dugleg að blogga.
Er búin að hafa mikið að gera og ekki komið mér að neinu i bloggbransanum.
Erum endalaust að gera verkefni sem eiga að skilast. Ég hef ekki tíma í þetta, Púfffff!
Skilaði síðast verkefni í IT sem ég er bara nokkuð ánægð með. Spennt að fá einkunina. Næsta verkefni i IT verður ansi strembið enda fáum við rúmlega einn og hálfan mánuð í það. Nú stóla ég pínu á faðir barnanna minna komi mér til bjargar. :os Maður á að finna út allt í sambandi við tölvulausnir og ég veit ekki hvað. Sem sagt allt hvað þarf að kaupa og setja upp þegar verið er að starta fyrirtæki. OMG!

Dísa er svo sæt. Hún fræddi mig á því í gær að henni finndist ég miklu fínni án gleraugna. Datt aldrei í hug að hún spekuleraði í svona.

Við vorum í foreldrasamtali með kennaranum hans Alexanders í gær. Það gekk vel. Stærðfræðikennarinn er í skýjunum með hann og hinn kennarinn er það reyndar líka (bekkjarkennarinn). En þau hafa reyndar áhyggjur af honum hvað vini varðar. Hann er mikið einn og við þurfum að hafa samb. við aðra foreldra og plana heimsóknir milli strákanna.

Fór í bakaríið síðasta laugardagsmorgun u.þ.b. kl 7.30. Það var röð nánast út að dyrum, allt karlmenn. Gaman að sjá hvað eiginmennirnir eru duglegir að fara í bakaríið fyrir fjölskylduna. Og gaman fyrir mig að vera eini kvenmaðurinn. Þegar ég var að borga missti ég bíllykilinn og sá sem var við hliðina á mér var eldsnöggur að teygja sig eftir honum og rétta mér svo var annar sem hélt hurðinni fyrir mig þegar ég fór út.
Ég hafði lúmskt gaman af að fá svona dekur. :oD

Sídustu helgi var haldið upp á fastelavn í íþróttahöllinni hér við skólann.
Ég tók örfáar myndir á símann minn. Þær eru ekki skýrar en betra en ekkert. Set þær inn seinna í dag.

Jæja ætli maður verði ekki að fara að vinna. Eigum núna að teikna og vinna verkefni um "træhus" - timburhús.

Kys og knus til jer allesammen :)